كيف اكون شخصيه واثقه فنفسى

السؤال ده اتكرر كتيرجدا إزاي ابقي واثق في نفسي ومتاثرش بكلام الناس خالص؟
 في الاول انت لازم تعرف الثقه في النفس بتيجي من ايه؟ 
بتيجي لما تحس ان الناس شيفاك انسان شكله حلو و بتقولك كده وبتيجي لما تقعد مع نفسك وتحس من جواك انك حلو وناجح وعلاقتك بربنا قويه يعني علشان تبقي واثق في نفسك لازم تظبط صورتك قدام الناس وصورتك قدام نفسك👌

ازاي اظبط صورتي قدام الناس:

1_حاول تغيرشكلك الخارجى:

يعني لو تخين شويه والناس بتتكلم علي وزنك كتير وحاولت تخس وخسيت فعلاً ده عظيم جداً هيديك ثقه فظيعه في نفسك لكن حاولت كذا مره ومعرفتش عادي جاول تشوف لو عندك ديفوهات فشكلك عالجها برضو انت الكسبان ظبط شكل اسنانك عشان ضحكتك تنور الدنيا كلها  ظبط بشرتك عشان وشك هو مرايتك

2_اتعلم تلبسى حلو وخليكي عالموضه:

زمان قالو كل اللى يعجبك والبس اللي يعجب الناس دلوقتي كل حاجه ليها حل ادخل علي اليوتيوب واتعلمى تلبسى ايه امته وازاى لو رفيعه،تخينه،طويله قصيره كل حاجه من دول ليها حل باللبس يعني رفيعه البسي منفوش او مخطط بالعرض لو تخينه البسي اسود او غامق حاولي توفقي الالوان والقطع مع بعضها بشكل جديد وشوفي احدث صيحات الموضه واختارى المناسب ليكى واعرف ايه الالوان الحلوه عليك وبتغطي عيوبك والبسيها لازم تبقي قمة الشياكه طول الوقت🌸

3_اتصوري بأي شكل: 

حته لو الصوره مهزوزه او مش حلوه من وجهة نظرك جرب توريها لاصحابك ده هيدكي ثقه فظيعه في نفسك أعرف واحده مستحيل تضحك وهي بتتصور لانها مقتنعه ان شكلها وحش وهي بتضحك😅وفي مره صورتها وهي بتضحك ومكانتش عجباها الصوره خالص واقنعتها تنزلها علي الواتس و الfeedback بتاع الناس كان عالمي😂 لدرجه انها دلوقتي مبقتش تتصور غير وهي بتضحك😅

لو عملت ال3 نقاط دول👆بعد فتره هتشبع من كلام الناس الحلو علي شكلك ولبسك وهيبقي لازم تدخل المرحلة التانيه مرحلة(صورتك قدام نفسك)اللي لو ظبطها مش هتبقي محتاج المرحله الاولي خالص ومش هيفرق معاك كلام الناس اصلاً لانك هتبقي مليان من جوه ومش محتاج اي حاجه من بره و مش هيبقي عندك مشكله انك تدخل اشيك الاماكن بالشبشب عادي مدام مريحك😂

ازاي اظبط صورتى قدام نفسى:

1_ثقفى نفسك واتعلمي كل يوم :

من اكتر الحاجات اللي هتخليك فخور بنفسك مش بس واثق فيها انك تكون فاهم في كل حاجه بتتقال أو بتحصل قدامك وعلشان ده يحصل لازم تتعلم وتقرأ وتذاكر وتعملfollow لناس بتقدم علم بجد عشان تستفيد منهم وتقدرى تتكلمى في اى موضوع الناس حواليكى بتتكلم فيه وحاولي تتعلمي حاجات تانيه مختلفه عن مجال اهنماماتك


2_التقبل لنفسك اولا وللأخرين: 

لازم تكونى مقتنعه اني بشر وبغلط ومش هرجع الزمن اصلح اخطائي ومتقبل ده جداً ماتفضليش تلومى نفسك على مواقف حصلت خلاص وتفكري فردود اقوي كان ممكن تقوليها لان خلاص فات وقتها فكري ازاى ممكن تتعاملي لو الموقف ده اتكرر تانى او ايه اللي ممكن يحصل بعد كده عشان تكون ردود افعالك سريعه وتكون صح فالوقت الصح ولازم تتقبلى عيوبك وتحاولى تحسنيها وتتقبلى مميزاتك وحاولى تظهريها😃

3_الخير:

خلي ديماً في خير بتعمله مفيش حد في الدنيا يعرف عنه حاجه حته أقرب الناس ليك ده هيخليك لما تقعد مع نفسك تقول انا عملت كذا وساعدت كذا ومكونتش مستني حاجه منهم أنا كويس اكيد ربنا راضي عني غير الدعوه الحلوه اللى من القلب وهايفرح قلبك بيها😍

4_النجاحات: 

حط اهداف بسيطه زي انك تخلص كتاب في شهر أو انك تأكل اكل صحي لمدة شهر وتنفذ ده فعلاً ده هيكبرك في عين نفسك وهيخليك تحس بثقه في نفسك فظيعه وكل شويه كبر هدفك عشان ثقتك تكبر😇
 لو نفذت الخطوات دي لمدة سنة هتلاقي فرق مش طبيعي في شخصيتك و احساس انك شخص مقبول في المجتمع وراضي عن نفسك وشكلك وحاسس من جواك انك مثقف وناجح ومجتهد وربنا راضي عنك عايز ايه اكتر من كده علشان تثق في نفسك😉

Leave a Reply

لن يتم نشر عنوان بريدك الإلكتروني. الحقول الإلزامية مشار إليها بـ *